Turkiyaning Bolu viloyati Kartalkaya tog‘-chang‘i kurortidagi mehmonxonada yong‘in oqibatida 10 nafar inson halok bo‘lgan va yana 32 kishiga turli darajada jarohat yetgan. Bu haqda TRT Haber telekanali xabar bermoqda.

Mehmonxonada jami 237 nafar mehmon bo‘lgan. Hodisa haqida xabar berilgandan so‘ng favqulodda yordam markazi xodimlari mehmonlarni xavfsiz hududga evakuatsiya qilgan.

Bolu gubernatori Abdulaziz Aydinning so‘zlariga ko‘ra, hozirda yong‘in o‘chirilib, to‘liq nazorat o‘rnatilgan. Viloyat prokuraturasi hodisa sabablarini o‘rganmoqda.

Ma’lum bo‘lishicha, yong‘in mehmonxonaning restoranida kelib chiqqan va avj olgan.

• Mehmonxona
• Turkiya
• yong‘in