O‘zbekistonga kelgan yana bir sayyoh – turkiyalik fuqaro Toshkent –Andijon poyezdida 100 ming so‘m evaziga joyini o‘zgartirganini aytib, ijtimoiy tarmoqqa videolavha yukladi. Bu haqda Telegram’dagi Troll.uz kanalida xabar berildi.

Qo‘shimcha qilinishicha, pora evaziga joyini o‘zgartirgan sayyoh umrida birinchi marta pora berganini va bundan o‘zi ham g‘alati bo‘lganini bildirgan.

Avvalroq ijtimoiy tarmoqlarda “Afrosiyob” tezyurar poyezida 10 dollarga sotib olingan chiptani ichkarida yana 15 dollar to‘lov qilib, o‘z joyini ekonom klassdan biznes klassga o‘zgartirgan sayyoh videosi tarqalgandi. Holatga munosabat bildirgan “O‘zbekiston temir yo‘llari” AJ axborot xizmati mazkur videolavha eski ekanini, bunday xatoga yo‘l qo‘ygan mas’ul esa ishdan olinganini ma’lum qilgan edi.

• O‘zbekiston temir yo‘llari
• Pora
• Turizm