“Chelsi” bosh murabbiyi Tomas Tuxel hujumchi Romelu Lukakuning jamoa oʻyiniga moslashishi borasidagi fikrlari bilan oʻrtoqlashdi.

“U asosiy oʻyinchi va doimo bosim boʻladi. Hech kim unga oʻzidan koʻra koʻproq bosim oʻtkaza olmaydi.

Biz yuqori umidlar va bosim fonida muvozanatni topishimiz kerak.

Gap shunchaki, maydonda xotirjamlik va boʻshashish hissi ham boʻladi, shunda u qattiq mehnat qilsa hammasi joyiga tushadi.

Jamoaning oʻyinini Lukakuga moslashtirish kerak emasmi? Bu notoʻgʻri savol, chunki biz bir futbolchiga eʼtibor qaratish haqida oʻylamayapmiz.

U asosiy oʻyinchi va biz uning shunday qolishini istaymiz, ammo bu yoʻl emas. Biz har bir futbolchini hisobga olamiz.

Bu jamoaviy sport, bir kishi uchun 10 kishi ishlaydigan oʻyin emas”, — deya fikr bildirgan germaniyalik mutaxassis.

• Futbol
• Xorij