31°
Kechasi 18°
O‘zbekistonlik aralash yakkakurash ustasi Ramazon Temirovning dunyoning eng kuchli MMA Ligasidagi ikkinchi jangi rasman tasdiqlandi.
O‘zbekistonlik jangchi 1-mart kuni Qo‘shma Shtatlarning Las-Vegas shahrida tashkil etiladigan UFC turniri doirasida amerikalik Charlz Jonsonga qarshi oktagonga chiqadi. Liga matbuot xizmati shu va karddan o‘rin olgan yana ikkita jangni rasman tasdiqlab, uning posterini ham namoyish etgan.
Ma’lumot uchun, Charlz Jonson ayni paytda vazn reytingida 12-o‘rinni egallab turibdi. U o‘zining MMAdagi professional faoliyati davomida 17 g‘alaba va 8 mag‘lubiyat qayd etgan. Hozirda 4 ta g‘alabali seriya bilan kelmoqda. 33 yoshli Jonson so‘nggi jangini 2024-yilning 19-oktyabr kuni UFC Fight Night 245 turniri doirasida Su Mudayerjiga qarshi o‘tkazib, hakamlarning yakdil qarori bilan g‘alaba qozongan. Temirov esa 13-oktyabr kuni AQSh vakili Si Jey Vergarani birinchi raunddayoq nokautga uchratib, kuchli ligadagi debyutini muvaffaqiyatli o‘tkazgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
