Saudiya Arabistoni poytaxti Ar Riyod shahrida UFC Fight Night turniri bo‘lib o‘tdi.

Kechaning markaziy jangida UFC sobiq chempioni, nigeriyalik Israel Adesanya Fransiya sharafini himoya qiladigan Nassuriddin Imavovga qarshi jang qildi.

5 raundga mo‘ljallangan jang 2-raunddayoq yakunlandi. Imavov 2-raundda Adesanyaga zarbalar seriyasini uyushtirgan holda uni nokautga uchratdi. Shu tariqa Adesanya faoliyatidagi navbatdagi mag‘lubiyatini qabul qilib oldi.

Turnirning Co-main event jangida Shara Bullet nomi bilan mashhur bo‘lgan rossiyalik Sharabutdin Magomedov Maykl Peyjga qarshi oktagonga chiqdi.

Jang to‘liq davom etdi va unda Maykl Peyj hakamlarning yakdil qarori bilan (30-27, 30-27, 29-28) g‘alabaga erishdi. Bu Shara Bullet uchun UFC’dagi ilk mag‘lubiyat bo‘ldi.

Markaziy jang, o‘rta vaznda: Israel Adesanya (Nigeriya, 24-4) va Nassurdin Imavov (Fransiya, 15-4) .

O‘rta vaznda: Sharabutdin Magomedov (Rossiya, 15-0) vs Maykl Peyj (Buyuk Britaniya, 22-3).

• Adesanya
• Saudiya Arabistoni
• UFC