Kibersport tarixida birinchi bor Counter Strike bo‘yicha ESPORTS World Cup turniri tashkil etildi. Mazkur musobaqa 17-21-iyul kunlari Saudiya Arabistonida bo‘lib o‘tdi.

Unda dunyoning eng kuchli 15 ta jamoasi Jahon kubogi uchun bahs olib bordi. Qizg‘in kurashlarga boy o‘tgan turnirda Ukrainaning NAVI jamoasi g‘alaba qozondi.

Ukrainaliklar finalda Germaniyaning G2 jamoasini 2:1 hisobida mag‘lubiyatga uchratishdi va birinchi bor tashkil etilgan musobaqaning g‘olibiga aylanishdi.

Eslatib o‘tamiz, ESPORTS World Cup turnirining umumiy sovrin jamg‘armasi 1 mln AQSh dollarini tashkil qiladi.

Saudiya Arabistonida o‘tkazilgan turnirning final bosqichida qayd etilgan natijalar bilan tanishishingiz mumkin.

Chorak final:
G2 2-1 Spirit;
Vitality 1-2 Virtus.pro;
Mouz 2-1 Furia;
NAVI 2-0 Faze.

Yarim final:
G2 2-0 Virtus.pro;
Mouz 1-2 NAVI.

Final:
G2 1-2 NAVI.

• Jahon kubogi
• Kibersport
• Ukraina