“Dunyo” axborot agentligining ma’lum qilishicha, Kiyev viloyatidagi issiqxonada majburiy mehnatga yaqin sharoitda ishlagan O‘zbekiston fuqarolari, O‘zbekiston elchixonasi va Xalqaro migratsiya tashkilotining sa’y-harakatlari orqali 19 nafar fuqaro Vatanga qaytarildi.

O‘zbekistonning Ukrainadagi elchixonasi fuqarolarning huquq va manfaatlarini himoya qilish, ularning qonuniy huquqlarini tiklash, hujjat va tashkiliy masalalarni hal etish orqali Ukrainadan xavfsiz chiqib ketishlarini ta’minlash bo‘yicha chora-tadbirlar kompleksini amalga oshirdi.

Olib borilgan muzokaralar natijasida barcha 19 nafar fuqaroga “jabrlanuvchi” maqomi rasman berildi, bu esa Ukraina qonunchiligiga ko‘ra ularga nisbatan qandaydir sanksiya qo‘llanilish ehtimolini to‘liq bartaraf etdi.

Xalqaro migratsiya tashkilotining Ukraina va Moldova bo‘yicha ofislari moliyaviy ko‘magida 28-oktyabr kuni fuqarolar Kiyevdan Kishinyovga avtotransport orqali yetkazilgan.

2-noyabr kuni Xalqaro migratsiya tashkiloti vakillari hamrohligida ular Kishinyov – Istanbul – Urganch havo yo‘nalishi orqali parvoz qilib, 3-noyabr kuni O‘zbekistonga yetib keldilar.

• Issiqxona
• Kiyev
• Majburiy_mehnat
• Migratsiya
• Ukraina