“Jeneva xavfsizlik siyosati markazi tomonidan tayyorlangan hujjatga ko‘ra, urishayotgan tomonlarni ajratish uchun kamida 10 km kenglikdagi bufer zonani yaratish va uni patrul qilish uchun 5000 nafar tinch aholi vakillari hamda politsiya xodimlarini ajratish taklif etilmoqda”, – deb yozmoqda The New York Times.
Shuningdek, o‘t ochishni to‘xtatish rejimiga rioya qilinishini kuzatish uchun 1200 kilometrdan ortiq bo‘lgan front chizig‘i bo‘ylab 10 ming nafargacha xorijiy davlat harbiylari joylashtirilishi mumkin. Ushbu missiya BMT mandati asosida faoliyat yuritishi ko‘zda tutilmoqda.
Hujjatni tayyorlashda Ukraina, Rossiya, AQSh va Yevropa Ittifoqi vakillari qatnashgan. Ular barcha muhokamalarda anonim tarzda ishtirok etdi.
Shu bilan birga, ko‘plab mutaxassislarning fikriga ko‘ra, bu kabi rejaning muvaffaqiyatli amalga oshish imkoniyati Vladimir Putinning pozitsiyasi tufayli xavf ostida qolishi mumkin.
“Agar Rossiya prezidenti Ukrainaga yangi hujum boshlashga qaror qilsa, hech qanday kuzatuv missiyasi uni to‘xtata olmaydi”, – deyiladi maqolada.
31°
Kechasi 18°
