I0jtimoiy tarmoqlarda Umra tadbirini tashkil etish boʻyicha notoʻgʻri talqinlar tarqalmoqda. Holatga Din ishlari boʻyicha qoʻmita rasmiy munosabat bildirdi.

Unga koʻra, Vazirlar Mahkamasining 2023-yil 8-avgustdagi 345-sonli “Umra” tadbirlarini tashkil etish va oʻtkazishda ziyoratchilarning manfaatlarini samarali himoya qilish boʻyicha qoʻshimcha chora-tadbirlar toʻgʻrisida”gi qarori qabul qilingan. Mazkur qaror bilan ziyoratlarni tashkillashtirish huquqi mahalliy turoperatorlarga taqdim etilmoqda. “Umra” tadbirlarini tashkil etish huquqi mahalliy turoperatorlarga berilmoqda.

Shu yoʻl bilan “Umra” tadbirlarini tashkil etish va oʻtkazishda raqobat muhiti yaratilishi rejalashtirilmoqda.

Turizm qoʻmitasining veb-saytida Turoperatorlar xizmatidan foydalangan ziyoratchilarning ovoz berish natijalariga koʻra “Umra” xizmatlarini koʻrsatuvchi turoperatorlar reytingini shakllantiriladi. Natijada, eng sifatli xizmat koʻrsatuvchi turoperatorlar yuqori pogʻonalarni egallashi, boʻlgʻusi ziyoratchilar uchun tanlov imkoniyatlarini oshirish koʻzda tutilgan.

2023-yil 1-oktyabrdan “Umra” xizmatlarini koʻrsatuvchi turoperatorlar faoliyatini reyting asosida baholash tizimi joriy etiladi. Baholash tizimi Turizm qoʻmitasining maxsus saytida eʼlon qilib boriladi.

Qarorda belgilangan qoʻshimcha litsenziya talab va shartlari 2023-yil 1-noyabrdan qoʻllaniladi.

Vazirlar Mahkamasining 2023-yil 8-avgustdagi 345-sonli qaroriga muvofiq “Umra” xizmatlarini voyaga yetmagan fuqarolarga koʻrsatish taʼqiqlanadi.

• Haj
• Turizm
• Umra