Samarqand viloyati Urgut tumani Boybo‘l qishlog‘ida yashovchi 34 yoshli fuqaroning xonadonida qimorxona tashkil qilgani aniqlandi.

U kirakashlik qilish bilan bir qatorda o‘z uyida qimorxona xizmatlarini ham ko‘rsatib kelgan.

Samarqand viloyati IIB xodimlari tomonidan joriy yil 21-noyabr kuni olib borilgan tezkor tadbir davomida mazkur fuqaroning o‘z uyida 19 kishini yig‘ib, qimor o‘yinlarini tashkil qilayotganida ushlangan.

Voqea joyidan 265 ming so‘m pul, 24 dona o‘yin biletlari, 90 dona o‘yin toshlari hamda o‘yin ishtirokchilaridan jami 8 million 400 ming so‘m va 300 dollar miqdoridagi pullar ashyoviy dalil sifatida hujjatlashtirib olingan.

Hozirda holat yuzasidan surishtiruv ishlari olib borilmoqda.

• IIB
• Jinoyat
• Samarqand