Senatning navbatdagi yalpi majlisida Prezident administratsiyasi huzuridagi Axborot va ommaviy kommunikatsiyalar agentiligi rahbari Asadjon Xo‘jayev zararli axborotlarni internet tarmoqlari orqali tarqalish va ularning nazorati xususida to‘xtalib o‘tdi.

2021-2022-yillarda veb-saytlarda diniy hamda milliy-etnik adovatni qo‘zg‘ovchi 18 mingdan ortiq materiallar aniqlangan. Jami 3 134 ta xorijiy veb-saytlar aniqlangan bo‘lib, ular pornografiya, zo‘ravonlik, behayolik va narko-xizmatlarni targ‘ib qiluvchi saytlar bo‘lgani uchun tegishli idoralar bilan birgalikda O‘zbekiston hududida ularga kirish cheklangan.

“O‘zimizning veb-saytlarda ham bu kabi qonunbuzarliklar aniqlanib turadi. Masalan, 9,5 mingta “uz” domenida ro‘yxatdan o‘tgan saytlarda behayolik, maʼnaviy buzuqlik, zo‘ravonlik, qimor, alkogol yoki tamaki mahsulotlarini reklama qilish yoki targ‘ib qilish kabi huquqbuzarliklar aniqlangan. Bu borada huquqni muhofaza qiluvchi organlar bilan hamkorlikda ishlab, jami 2022-yilning 1-choragida 952 ta huquqbuzarlik holatlari bo‘yicha ishlarni amalga oshirib kelyapmiz”, – deydi AOKA rahbari.

Shuningdek, egalari xorijda bo‘lgan ijtimoiy tarmoq va messenjerlardagi kanal va shu kabi platformalarda tarqatilayotgan zararli axborotlar bo‘yicha ham ish olib borilayotgani va bu borada xorijiy maʼmuriyatlar bilan aloqalar o‘rnatilgani taʼkidlandi.

“Ammo bu boradagi ishlar qanoatlantiradigan darajada emas, yaʼni yuborilgan so‘rovlardan 60-70 foizigina ko‘rib chiqilyapti”, – deydi Xo‘jayev.

• Ijtimoiy tarmoq
• Pornografiya
• Senat
• veb-sayt