UzAuto Motors AJ Chevrolet Captiva 5 avtomobilini yetkazib berish bo‘yicha bekor qilingan shartnomalarning mablag‘larin qaytarilishini hamda kompensasiya amalga oshirilishini ma’lum qilmoqda.

Qayd etilishicha, shu kunga qadar Captiva 5 avtomobili bo‘yicha jami 461 ta shartnoma puli to‘lab berilgan. Ayni paytda, 207 nafar xaridor Captiva 5 avtomobili o‘rniga boshqa avtomobilni olishga qaror qilishgan, 161 nafari esa to‘langan mablag‘ni qaytarilishi uchun ariza bilan murojaat qilgan va allaqachon pullarini qaytarib olishgan.

“41 nafar mijozlar kechagi kundan boshlab  kompensasiya sifatida taqdim etilgan 5 foizlik to‘lov summasini olishdi”, – deyiladi kompaniya xabarida.

Eslatib o‘tamiz, UzAuto Motors joriy yil 20-noyabr kuni Chevrolet Captiva 5 avtomobillarini yetkazib berish bo‘yicha shartnomalar to‘xtatilgani haqida rasmiy bayonot bergan va mijozlarga ularning murojaatidan keyin 3 kun ichida tuzilgan shartnomalar bo‘yicha to‘langan barcha mablag‘lar to‘liq qaytarilishini ma’lum qilgan edi.

• Avtomobil
• UzAutoMotors