“Uzbekistan Airways” kompaniyasi matbuot xizmati talabalar uchun chegirmalar 23-yanvarga qadar uzaytirilganini ma’lum qildi.

Xabarga ko‘ra, 2021/2022 o‘quv yilining ikkinchi yarmini to‘liq va puxta tayyorgarlik ko‘rgan holda boshlash maqsadida oliy va professional ta’lim muassasalari, akademik lisey talaba-o‘quvchilari uchun qishki ta’til muddati 24-yanvarga qadar uzaytirilgani bois AJ 23-yanvarga qadar talabalar uchun respublika bo‘ylab amalga oshiriladigan ichki reyslarga 50 foiz chegirma muddatini uzaytirgan. 10-yanvarga qadar xarid qilingan aviachiptalar 23-yanvargacha rejalashtirilgan reyslarga bepul qayta bron qilinadi.

Shuningdek, aviakompaniya 20-23 yanvar kunlari qo‘shimcha reyslarni amalga oshiradi.

Batafsil ma’lumot bilan www.uzairways.com rasmiy saytida tanishish mumkin.

• Talabalar
• Uzbekistan airways