31°
Kechasi 18°
29-iyundan 3-iyulga qadar Toshkentdagi “Yunusobod” sport majmuasida “Uzbekistan Open-2” turniri bo‘lib o‘tdi.
Musobaqaning so‘nggi kuni, ya’ni 3-iyul kungi bahslarda, turnirning 2-gala final uchrashuvlari bo‘lib o‘tdi. Unda ishtirok etgan o‘zbekistonlik sportchilar muxlislar e’tirofiga sazovor bo‘ldi.
Kik-boksingning Low-kick yo‘nalishida Nazarbek Mahmudov finalda hindistonlik Das Ishan ustidan ochkolardagi ustunlik evaziga mag‘lub etdi va oltin medalni qo‘ga kiritdi.
Xuddi shu yo‘nalish bo‘yicha 57 kilogramgacha bo‘lgan sportchilar o‘rtasida final bahsi Lazizbek Begmatov va qozog‘istonlik Talgat Bukbusarov o‘rtasida kechdi. Ushbu to‘qnashuvda ochkolar hisobiga ko‘ra Lazizbekning qo‘li baland keldi va u ham oltin medalga sazovor bo‘ldi.
Kik-boksingning K-1 yo‘nalishi 75 kgda Javohir Latipov turkmanistonlik raqibi Gochmurat Jumaniyazovga imkoniyatni boy berib qo‘ydi va kumush medal bilan cheklandi.
Low-kick yo‘nalishi 67 kgda Islom Tursunqulov qozog‘iztonlik Erlan Bayzakov bilan ringda to‘qnash keldi. Ushbu bahsda Islombek g‘alaba qozondi va oltin medalga ega chiqdi.
Ushbu turnir g‘oliblariga 300 yevro miqdorida mukofot pullari topshirildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
