UFC chempioni, ayollar oʻrtasida P4P reytingi yetakchisi Valentina Shevchenko bundan keyin ham aktyor sifatida filmlar suratga olishda ishtirok etishni xohlashini aytdi.

Qayd etish mumkin, oʻtgan yili Qirgʻiziston vakili Gollivudning “Zarbalar” filmida suratga tushgan edi.

“Filmlarda rol oʻynashni davom ettirmoqchiman. Ha, Holli Berri bilan ishlash ajoyib tajriba edi. 

U ajoyib inson, ajoyib aktrisa, ajoyib rejissyor. Men, albatta, bu yoʻlni butun umr davom ettirmoqchiman.

Menimcha, buni bir vaqtning oʻzida janglar orasida qilish qiyin emas. Menimcha, buni amalga oshirish mumkin. 

Men buni qilishga tayyorman va bu meni janglarimdan chalgʻitmasligini bilaman. 

Balki men unga qoʻngʻiroq qilib, “Zarbalar 2” ni suratga olishni soʻrashim kerakdir”, – deydi Shevchenko.

• Ayollar
• UFC