Kecha Niderlandiya terma jamoasi Jahon chempionati saralash bahsi doirasida Chernogoriyaga qarshi bahs olib bordi.
Uchrashuvda dastlab “uchar gollandlar” ikki to‘p farqi bilan oldinga chiqib olgan edilar, ammo chernogoriyaliklar yakunda hisobni 2:2 ko‘rinishiga keltirishga muvaffaq bo‘ldi. O‘yindan so‘ng gollandlar ustozi Lui van Gal o‘z fikrlari bilan o‘rtoqlashdi.
“Hammasi o‘z qo‘limizda bo‘lib turgan vaziyatni qo‘ldan boy berdik. Men hozir buni tushuntirib bera olmayman.
Raqib 5-4-1 koʻrinishida harakat qildi, bu esa bizga qiyinchilik tug‘dirdi, lekin 2:0 hisobida oldinda borayotgan jamoa har qanaqasiga natijani oʻzida saqlab qolishi kerak edi. Ko‘p hollarda to‘psiz o‘ynashga majbur bo‘ldik va bu juda yomon.
Natijani qabul qilishga majburmiz. Bu o‘yinni tahlil qilib, Norvegiyaga tayyorgarlikni boshlaymiz”, - deya van Galning so'zlarini keltiradi UEFA.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!