Shanba oqshomida “Vilyarreal” La Liga navbatdagi turi doirasida o‘z maydonida “Barselona”ga qarshi bahs olib bordi va 1:3 hisobida mag‘lub bo‘ldi. 

“Sariq suv osti kemasi” futbolchilari ushbu uchrashuvda hakam ishidan norozi bo'lishdi. Jurnalist Emilio Peres de Rosasning o‘z sahifasida keltirgan ma’lumotlariga ko‘ra, “Vilyarreal” bosh murabbiyi Unai Emeri “Barselona” zaxira o‘rindig‘iga qarata: “Har doimgidek, ular sizga barchasini taqdim etishdi” deya baqirgan.

Shuningdek, o‘yindan keyin tribunada “Vilyarreal” va “Barselona” vakillari o‘rtasida o‘zaro janjal ham sodir bo‘lgan. Natijada, politsiya vaziyatga aralashishga majbur bo‘ldi.

• Futbol
• Xorij