Ukraina prezidenti Volodimir Zelenskiy “Time” jurnali mushtariylari tomonidan 2022-yilning eng nufuzli odami deb topildi. Reytingdagi ikkinchi oʻrinni “Tesla” va “SpaceX” rahbari Ilon Mask, uchinchi oʻrinni esa Buyuk Britaniya bosh vaziri Boris Jonson egallagan.

“Time” nashri yilning eng nufuzli 100 ta shaxsini aniqlash uchun mushtariylar oʻrtasida soʻrovnoma eʼlon qilgan. Oʻquvchilarning 3,3 million nafari oʻz ovozini Ukraina prezidenti uchun qoldirgan.

“Joriy yilning fevral oyida, Rossiya Ukrainaga bostirib kirgan vaqtda Zelenskiy – 2019-yili Ukraina prezidenti etib saylanguniga qadar siyosiy tajribaga ega boʻlmagan qiziqchi xalqaro sahnaga chiqib keldi va yetakchilarni Ukrainani qoʻllab-quvvatlashga chaqirdi”, deb yozadi “Time”.

Oʻtgan yili reytingdagi yetakchilik Ilon Maskka tegishli boʻlgan, 2022-yilda esa oʻz oʻrnini Zelenskiyga boʻshatib bergan. Uchinchi oʻrinni band etgan Boris Jonson uchun mushtariylarning 3,4%i oʻz ovozini qoldirgan.

Reytingdagi toʻrtinchi oʻrinni koronavirus pandemiyasiga qarshi kurashayotgan tibbiyot sohasi vakillari, beshinchi oʻrinni esa AQSh prezidenti Jo Bayden egalladi. U soʻrovnoma ishtirokchilarining 3,1% ovozini toʻplay olgan.

• Jahon
• Ukraina
• Zelenskiy
• mashhurlar
• qiziqarli
• xabar