World Boxing prezidenti Boris van der Vorst O‘zbekistonga tashrif buyurdi. Faxriy mehmonni sport vaziri Adham Ikramov va Milliy olimpiya qo‘mitasi Bosh kotibi Oybek Qosimov kutib olishdi. Uchrashuv davomida World Boxing Prezidenti tashkilot faoliyati va uning maqsadlari haqida gapirdi.

Suhbat davomida, shuningdek, Parij-2024 yozgi Olimpiya o‘yinlarida boks bo‘yicha O‘zbekiston erkaklar terma jamoasi 5 ta oltin medal bilan umumjamoa hisobida birinchi o‘rinni egallagani, boks mamlakat yoshlarining sevimli sport turlaridan biri ekani ta’kidlab o‘tilgan.

Bundan tashqari, O‘zbekiston sport mutasaddilari 2028-yilda Los-Anjelesda bo'lib o'tadigan yozgi Olimpiya o‘yinlari dasturida boksni saqlab qolish tarafdori ekanini ta’kidladi.

• Boks
• Olimpiada
• Sport