Kecha, 20-yanvar holatiga “Toshkent” xalqaro aeroporti orqali O‘zbekistonga kelgan 3 480 nafar yo‘lovchining 66 nafarida koronavirus aniqlandi.

Ushbu bemorlar kasallikning kechishiga ko‘ra, uy sharoitida va mehmonxonalarda davolanishga yo‘naltirilgan.

“Ambulator sharoitida muolaja oladigan fuqarolarga aeroportning o‘zida 4 xildagi bepul dori-darmon vositalari berilmoqda”, – deyiladi Sanitariya-epidemiologik osoyishtalik va jamoat salomatligi xizmati Matbuot xizmati xabarida.  

Eslatib o‘tamiz, joriy yil 15-yanvardan mamlakatga kirib keluvchilar uchun xalqaro aeroportlar, temir yo‘l vokzallari va chegara punktlarida ekspress-antigen test topshirish tartibi joriy qilingan edi. 

• Aeroport
• koronavirus