Xitoyning Xanchjou shahrida IV Para Osiyo oʻyinlari start oldi. Oʻzbekiston delegatsiyasi musobaqaning birinchi kunini muvaffaqiyatli boshladi. Para yengil atletikaning ayollar o‘rtasida F12 klassida yadro uloqtirish dasturida ishtirok etgan hamyurtimiz Safiya Burxanova 13.87 metr natija bilan oltin medalni qo‘lga kiritdi.

Hozirgina para taekvondo bo‘yicha ayollar o‘rtasida -48 kg vazn toifasida final jangi yakunlandi va hamyurtimiz Ziyoda Isoqova kumush medalga sazovor bo‘ldi.

Para-taekovdo boʻyicha Oʻzbekiston terma jamoasi aʼzosi Sanjar Muxtorov ham oʻz nomini sovrindorlar qatoriga yozib qoʻydi. -58 kg vazn toifasida bahs olib borgan yurtdoshimiz bronza medalini qoʻlga kiritdi.

Para-dzyudo bellashuvlarida ham dastlabki medallar jamlanmasi oʻynaldi. Ayollar oʻrtasida J2 klassida -48 kg vazn toifasida yurtimiz sharafini himoya qilgan Lobar Hurramova yakunda bronza medaliga egalik qildi.

• Paralimpiya
• Paraosiyo o‘yinlari
• Taekvondo
• Xitoy