“Barselona” ustozi Robert Levandovskini dunyoning eng yaxshi futbolchilaridan biri deb biladi.

Kecha La Liganing 7-turidan o‘rin olgan “Malyorka” – “Barselona” uchrashuvida (0:1) hujumchi g‘alaba golini kiritdi.

“Levandovski yana o‘zgarish qildi. Shuningdek, u jamoaga himoya chizig‘ini ushlab turish va to‘pni harakatlantirishda yordam berdi. “Barsa” ajoyib o‘ynamadi, lekin yaxshi o‘yin ko‘rsatdi va bu bizga juda muhim uchta ochkoni qo‘lga kiritishimizga imkon berdi. Bu stadionda ochko olish juda qiyin.

Levandovski o‘ziga ishonch bag‘ishlaydi. U to‘purar, top o‘yinchi, eng zo‘r bo‘lmasa ham, dunyoning eng yaxshilaridan biri. U nafaqat gol uradi, balki jamoa uchun ishlaydi, bosim o‘tkazadi va jamoadoshlariga yordam beradi”, – dedi “Barselona” bosh murabbiyi.

34 yoshli forvard joriy mavsumda “Barselona” safida barcha turnirlarda 9 o‘yinda 12 ta gol urdi va 2 ta golli uzatmani amalga oshirdi.

• Barselona
• Futbol
• Levandovski
• Xavi