Kataloniya klubi YeChL 3-turi doirasidagi “Inter”ga bahsdan so‘ng, bir qator ko‘rsatkichlar qayd etdi.

“Barselona” Chempionlar ligasi guruh bosqichi 3-turidan o‘rin olgan “Inter” bilan o‘yinda (0:1) 50 marta uzatma amalga oshirdi.

Kataloniyaliklar 35 marta bevozsita o‘yin paytida, 15 tasini esa belgilangan standart vaziyatlardan amalga oshirgan.

Qayd etish mumkin, bularning har ikkisi ham Xavining “Barselona” bosh murabbiyi bo‘lgan davridagi rekorddir.

O‘z navbatida, hozircha Xavi “Barselona” bilan Chempionlar ligasidagi beshta o‘yinning faqat bittasida g‘alaba qozongan va gol ura olgan xolos.

“Barsa” ushbu turnirda Xavi qo‘l ostida “Viktoriya Plzen” ustidan qozonilgan yagona g‘alabani qo‘lga kiritgan – 5:1.

Qolgan to‘rtta o‘yinda “ko‘k-anorranglilar” birorta ham gol ura olishmagan. Ya’ni jamoa “Bavariya”ga yutqazdi (0:3) va “Benfika” bilan durang o‘ynadi (0:0) va “Inter”ga imkoniyatni boy berdi (0:1).

Shuningdek, “Barselona” Chempionlar ligasi doirasida safarda kechgan uchta o‘yinda bironta ham gol ura olmadi. Bu kichik golsiz seriya esa klubning Chempionlar ligasidagi eng yomon ko‘rsatkichidir.

Jamoaning keyingi safar uchrashuvi 1-noyabr kuni Chexiyada “Viktoriya Plzen”ga qarshi bo‘lib o‘tadi.

Ma’lumot uchun, ayni paytda “Barsa” 3 ochko bilan o‘z guruhida 3-o‘rinda bormoqda. Ular peshqadam “Bavariya”dan 6 ochko, ikkinchi o‘rindagi “Inter”dan 3 ochko ortda qolmoqda.

• Barselona
• Futbol
• statistika