“PSV Eyndxoven”ning hujumkor yarim himoyachisi Xavi Simons PSJni nima uchun tark etganini aytdi.

“Lionel Messi, Neymar, Kilian Mbappe... Men ular bilan ikki yil davomida har kuni mashgʻulot oʻtkazdim, ulardan koʻp narsani oʻrgandim, lekin yakunda amaliyot ham muhim. 

Men endigina 19 yoshga toʻldim, shu sababli yaxshiroq boʻlish uchun oldinga qadam tashlashim kerak”, – dedi Simons.

Eslatib oʻtish mumkin, 19 yoshli hujumkor yarim himoyachi Fransiyaning PSJ klubi bilan shartnomasi yakunlangach, vataniga qaytdi va “PSV Eyndxoven” futbolchisiga aylandi.

Futbolchi yangi klubi bilan 2027-yilning yoziga qadar shartnoma imzoladi. 

Shu bilan birga, PSJ yaqin bir necha yil ichida futbolchini qayta sotib olishda ustuvor huquqqa ega boʻladi.

• Fikr
• Futbol
• PSJ
• Xorij