Xitoy Tashqi ishlar vazirligi AQSHni tinchlik yo‘lida Ukrainaga qurol yetkazib berishni to‘xtatishga chaqirdi. Bu haqda Xitoy Tashqi ishlar vazirligi matbuot kotibi Mao Ning ma’lum qildi.

Qayd etilishicha, agar AQSH haqiqatan ham Ukrainadagi mojaro tezroq tugatilishini istasa, u holda ular Kiyevga qurol yetkazib berishni to‘xtatishi kerak.

Uning so‘zlariga ko‘ra, Qo‘shma Shtatlar Ukrainaga qurol yetkazib berish orqali harbiy mojaroni uzaytirmoqda.

“Qo‘shma Shtatlar Ukraina inqirozining tashabbuskori va eng katta harakatlantiruvchisidir. Ukrainaga doimiy ravishda og‘ir va hujumkor qurollarni yuborib, mojaroning davomiyligi va intensivligini doimiy ravishda oshirmoqda”, – dedi TIV vakili.

Avvalroq, “Bloomberg” vaziyatdan xabardor manbalarga tayanib, Qo‘shma Shtatlar Xitoy davlat kompaniyalaridan Rossiyaga yordam ko‘rsatganligi to‘g‘risida dalillar to‘plagani va Pekinga taqdim etgani haqida yozgan edi.

• AQSh
• Bloomberg
• Rossiya
• Ukraina
• Xitoy