Xitoy tashqi ishlar vaziri Van I jahon hamjamiyatini Qo‘shma Shtatlar bosimiga qarshi turish va ularning boshqa davlatlarning ichki siyosatiga aralashuviga yo‘l qo‘ymaslik uchun kuchlarni birlashtirishga chaqirdi.
Diplomatning fikricha, agar bu hozir amalga oshirilmasa, dunyo o‘rmon qonunlariga qaytadi.
“Agar biz (boshqa davlatlarning — “tahr.” ) ichki ishlariga aralashmaslik tamoyilini e’tiborsiz qoldiradigan bo‘lsak , dunyo o‘rmon qonuniga qaytadi va AQShning xatti-harakati yanada beparvo bo‘lib, boshqalarni qo‘rqitishni boshlaydi”, – deydi XXT TIV rahbari Van I.
Xitoy AQShning boshqa mamlakatlarni bostirishda qo‘llaniladigan ustunligiga yo‘l qo‘yib bo‘lmaydi deb xisoblaydi.
“Qo‘shma Shtatlarning yana bunday qadamlar qo‘yishiga yo‘l qo‘ya olmaymiz. Dunyodagi barcha davlatlar birlashishi va bunga yo‘l qo‘ymaslik kerak " ,– deydi Van I.
Tayvan atrofidagi vaziyat:
AQSH Kongressi Vakillar palatasi spikeri Nensi Pelosi boshchiligidagi delegatsiya Vashingtonning Tayvanni qo‘llab-quvvatlashga sodiqligini tasdiqlash uchun 2-3-avgust kunlari orolda bo‘ldi. Spikerning so‘zlariga ko‘ra, uning orolga tashrifi AQSHning Tayvanga nisbatan do‘stona munosabatda ekani va uning hududiy yaxlitligini qo‘llab-quvvatlashini yana bir isboti bo‘lgan.
Xitoy Tashqi ishlar vazirligi Pelosining Tayvanga safari sababli AQSh qattiq javob choralariga duch kelishini aytdi. Pxenyan bu tashrifni keskin qoraladi va buni Vashingtonning boshqa davlat ichki ishlariga qo‘pol aralashuvi, deb atadi.
Xitoy rahbari tomonidan “olov bilan oʻynash, kuyib ketishga sabab bo‘ladi” deb ogohlantirilgan AQSh maʼmuriyati Pekinni “yagona Xitoy” siyosatiga sodiqligiga ishontirdi, ammo spiker oʻzi qaror qabul qilishini aytib, tashrif oqibatida yuzaga keladigan majburiyatlardan uzoqlashdi.
Pelosining samolyoti Taybey aeroportiga qo‘nganidan keyin Xitoy Tayvan yaqinida harbiy mashg‘ulotlar boshladi. Amerikalik harbiylar ham orolga yaqin joyga o‘z harbiy kuchlari va samolyotlarini joylashtira boshlashdi.
Shuningdek, mamlakatning yaqin hamkori Rossiya Pelosining tashrifini AQShning Xitoyga nisbatan ochiq provokatsiyasi deb hisobladi.
Bunga javoban esa, Tayvan prezidenti Tsay Inven Taybey Xitoyning harbiy tahdidlari oldida ortga chekinmasligi va “tahdidlar” oldida o‘z suverenitetini himoya qilishda davom etishini ma’lum qildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!