Milliy Xitoy yodgorligi Pinnan Vanan ko‘prigi Fujian provinsiyasining Ningde shahri Pinnan okrugida yonib ketdi va qulab tushdi. Bu haqda mahalliy hokimiyat 6-avgust kuni xabar berdi.

Yong‘in 6-avgust kuni kechqurun boshlangan va soat 22: 45 da yong‘in o‘chirilgan. Hozircha ko‘prik yonib ketganligi va qulab tushgani bo‘yicha qurbonlar topilmagan.

Yong‘in haqida mahalliy aholi qutqaruv xizmatiga xabar berishgan va mahalliy hokimiyat politsiya kelganidan so‘ng darhol voqea joyiga qutqaruv kuchlarini tashkil qildi. Voqea joyiga partiya okrug qo‘mitasi va okrug kengashi rahbarlari, shuningdek tegishli ishlarni bajarish uchun ixtisoslashtirilgan idoralar xodimlari yetib kelishgan.

Vanan ko‘prigi 900 yildan ortiq tarixga ega bo‘lib, Qing sulolasi imperatori Kangxi hukmronligining 47-yilida yoqib yuborilgan, Qianlong hukmronligining yettinchi yilida (1742) qayta qurilgan va keyingi sulolalar davrida ta‘mirlangan. 1990-yil 9-oktyabrda u okrug darajasidagi madaniy yodgorliklar himoyasi ostidagi ob’ekt sifatida tasdiqlangan, 1991-yil mart oyida viloyat darajasidagi madaniy yodgorliklar himoyasi ostida ob'ekt sifatida tasdiqlangan va 2006-yil 25-mayda asosiy madaniy yodgorliklarni himoya qilish uchun milliy obyektlardan biri deb e’lon qilingan.

• Xitoy
• yong‘in