Argentina – Avstraliya o'rtoqlik uchrashuviga mezbonlik qilgan Pekin stadioni boshqaruv kompaniyasi mashhur futbolchining muxlislarini g'ayrioddiy lotereyada ishtirok etishga taklif qildi.

Joriy yilning 11-15-avgust kunlari Chjungxe Gongti kompaniyasi barchaga “Messi maysasi” tanlovida ishtirok etishiga ruxsat berdi. Uning natijalariga ko'ra, omadlilar argentinalik futbolchining oyoqlari tekkan 100 dona chim bo‘laklariga ega bo'ladi. Ular orasida Lionel Messi faoliyatidagi eng tezkor golni (81-soniyada) urgan stadion maysazoridagi chim bo‘lagi ham bor.

Bitta suvenirning narxi 499 yuan (68 dollar). Tanlovda ishtirok etish uchun 4000 kishi ariza topshirgan. Birinchi o'yin o'ynalganidan keyin, maysazorning qolgan qismlari Xiaohongshu va Dewu ijtimoiy tarmoqlarida sotiladi. Hammasi bo'lib, boshqaruv kompaniyasi 2023 ta "yashil" suvenir tayyorladi.

15-iyun kuni Pekinda Argentina – Avstraliya o'rtoqlik uchrashuvi bo'lib o'tdi. Lionel Messi jamoasi 2:0 hisobida g‘alaba qozondi.

• Messi
• Xitoy