Xitoylik mechkay-strimmer Kan, Chansha shahridagi Handadi oshxonasi unga boshqa kelmaslikni talab qilganini aytdi. Gap shundaki, fudbloger kirgan oshxona shvedcha stol tarzida ishlagan. Ya’ni bunda xo‘randa ma’lum pulni to‘lasa, istaganicha ovqatlanishi mumkin. Kanning aytishiga ko‘ra, u birinchi marta kafega kirganida 1,5 kg go‘shtni paqqos tushirgan. Ikkinchi taom sifatida esa 4 kg mayda qisqichbaqani yegan. U atigi bir necha bor kafega qadam ranjida qilgan, oxirgi martasida esa uni kirishga qo‘yishmagan.

Kanning fikricha, kafe ovqat ko‘p yeyishi mumkin bo‘lgan odamlarni chetlashga urinyapti. Yemakxona egasi esa bu gapga e’tiroz qilgan, axir u shunga o‘xshagan mechkaylar tufayli foydadan quruq qolyapti.

"Qo‘yingki, u soya sutini ichgudek bo‘lsa ham, kamida 20–30 shishani ko‘rdim demaydi" – deya shikoyat qilgan Handadi kafesi egasi. U nafaqat Kanni, boshqa barcha strimmerlarni ham oshxonasida ko‘rish niyati yo‘qligini aytgan.

Kan bilan bog‘liq syujet ijtimoiy tarmoqlarda ko‘plab baxslarga sabab bo‘ldi. U Weibo ijtimoiy tarmog‘ida 250 mln marta tomosha qilingan.

• Xitoy
• qiziqarli