“Hududgazta’minot” AJ Boshqaruv raisining tegishli topshirig‘i bilan respublikaning barcha hududlarida tabiiy gazdan noqonuniy foydalanish holatlarini aniqlash bo‘yicha nazorat tadbirlari davomida Xorazm viloyatining Urganch shahrida joylashgan “S.” MCHJga tegishli umumiy ovqatlanish maskanida gaz tarmog‘iga elektron gaz hisoblash uskunasi o‘rnatilgan bo‘lsa-da, korxona gaz ta’minoti tashkiloti bilan shartnoma rasmiylashtirmasdan, loyiha-texnik hujjatlarisiz gaz tarmog‘iga noqonuniy ulanib, tabiiy resursdan foydalanib kelingani aniqlandi.

Holat yuzasidan dalolatnoma tuzilib, sarflangan tabiiy gaz hajmi qonunchilikda belgilangan tartibda qayta hisob-kitob qilindi. Iste’molchi tomonidan 225,14 million so‘mlik zarar yetkazilgani ma’lum bo‘ldi. Barcha hujjatlar huquqni muhofaza qiluvchi organlarga topshiriladi.

• Gaz
• Hududgazta'minot
• Xorazm