Xorazm viloyatida haydovchilik guvohnomasi olib berishni va’da qilgan firibgarlar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish Departamentining matbuot xizmati xabar berdi.

Qayd etilishicha, Bosh prokuratura huzuridagi Departamentning Hazorasp tuman bo‘limi tomonidan DXX va IIB xodimlari bilan hamkorlikda o‘tkazilgan tezkor tadbirda, fuqarolar M.M. va N.A. 2 nafar fuqaroni haydovchilik guvohnomasi olishlari uchun bo‘ladigan imtihondan go‘yoki Ichki ishlar organlarida ishlovchi tanishlari yordamida o‘tkazib qo‘yish evaziga 1 000 AQSH dollarini olgan vaqtlarida ashyoviy dalilar bilan ushlanganlar.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

• Haydovchilik guvoxnomasi
• Xorazm