Xorazm viloyati Qo‘shko‘pir tumanida 17 yoshli qiz o‘zini osib, vafot etdi. Bu haqda viloyat prokuraturasi matbuot xizmati xabar berdi. 

Ma’lum qilinishicha, Qo‘shko‘pir tuman Ichki ishlar boshqarmasi navbatchilik qismiga joriy yilning 6-may kuni soat 12:50 da fuqaro Ch.Q.ning o‘z joniga qasd qilib, vafot etganligi haqida xabar kelib tushgan. 

Hodisa joyi Qo‘shko‘pir tuman prokurori rahbarligida tergov-tezkor guruhi va sud tibbiy ekspertlari ishtirokida ko‘zdan kechirilgan.

Aniqlanishicha, Qo‘shko‘pir tumani “Hadra” qishlog‘ida yashaydigan 17 yoshli Ch.Q. o‘zini osish orqali joniga qasd qilgan. Marhumaning o‘lim sababini aniqlash yuzasidan sud-tibbiy ekspertizasi tayinlangan.

Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda. Tekshiruv harakatlari Xorazm viloyat prokuraturasi tomonidan nazoratga olingan.

• Suitsid
• Xorazm