Ijtimoiy tarmoqlarda Xorazm viloyatida qaynota kelinini pichoqlab o‘ldirgani haqida xabarlar tarqaldi. Holat yuzasidan Bosh prokuratura matbuot kotibi Hayot Shamsutdinov ma’lumot berdi.

Qayd etilishicha, voqea Xorazm viloyati Shovot tumanida sodir bo‘lgan. 1961-yilda tug‘ilgan qaynota 1990-yilda tug‘ilgan kelini bilan o‘zaro kelishmovchilik sabab janjallashib qolgan. Buning oqibatida qaynota oshxona pichog‘i bilan kelinini pichoqlab o‘ldirib qo‘ygan.

Bosh prokuraturaning matbuot kotibi mazkur holat yuzasidan bergan rasmiy bayonotiga ko‘ra, qotillik bo‘yicha Jinoyat kodeksining 97-moddasi (Qasddan odam o‘ldirish) bilan jinoyat ishi qo‘zg‘atilgan.

Hozirda gumonlanuvchiga nisbatan “qamoqqa olish” ehtiyot chorasi qo‘llanilgan.

• Qotillik
• Xorazm