Bosh prokuratura huzuridagi Departamentning Xorazm viloyati boshqarmasi tomonidan fuqarolar murojaatlariga asosan tergovga qadar tekshiruv o‘tkazilgan. 

Unga ma’lum bo‘lishicha, Urganch shahridagi “P.B.A.” xususiy korxonasi rahbari M.Sh. va uning norasmiy ishchisi X.X.lar 34 nafar fuqaroning nomiga soxta elektron aviachiptalarni rasmiylashtirib, har birini 3-3,5 mln so‘mdan jami 106,2 mln so‘m va 200 AQSh dollariga sotib, pul mablag‘larini firibgarlik yo‘li bilan qo‘lga kiritganliklari fosh bo‘lgan. 

Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.

• Aviaqatnov
• Firibgarlik
• Urganch
• Xorazm