Xorvatiya terma jamoasi bosh murabbiyi Zlatko Dalich Marokash termasi bilan jahon chempionati bronza medallari uchun oʻyin oldidan raqib haqida gapirdi.

“Marokash menga toʻrt yarim yil oldingi jamoamizni eslatadi. Ulardan bunday saviyadagi chiqishlarini hech kim kutmagandi, ammo saviyasi va hissiyotlari evaziga uchinchi oʻrin uchun daʼvogarlik qilishmoqda.

Ular oʻyindan oʻyinga yaxshilanishdi, oʻylaymanki, bizni katta oʻyin kutib turibdi, guruh bosqichidagi birinchi oʻyindan ham qiyinroq oʻyin.

Biz ularga katta hurmat bilan qaraymiz. Marokash birdamlikni namoyish etadi va hech kimdan qoʻrqmaydi”,– deydi Dalich.

• Fikr
• Futbol
• Jahon chempionati
• Xorvatiya