Samarqand viloyati sudi xotini va qaynonasining o‘limiga sababchi bo‘lgan erkakka hukm o‘qidi. Bu haqda Oliy Sud matbuot kotibi xabar qilmoqda.

Ma’lum bo‘lishicha, joriy yilning 18-iyulida, soat 23:00 larda Samarqand viloyati, Pastdarg‘om tumani Chandir qishlog‘i fuqarosi ichib olib xotinining ota uyiga yo‘l oladi. Oqibatda er-xotin, qaynona o‘rtasida janjal yuzaga keladi va erkak xotini va qaynonasini shafqatsiz kaltaklaydi.

Erkak voqea guvohi bo‘lgan qaynukasini ham kaltaklagan. Tananing turli yerlariga yetkazilgan tan jarohati tufayli erkakning xotini va qaynonasi hayotdan ko‘z yumgan. 

Sud hukmi bo‘yicha erkakka nisbatan 24 yilu 6 oy qamoq jazosi qo‘llanilgan. U JKning 97-modda 2-qism qator bandlari bilan aybdor deb topilgan.

• Jinoyat
• Samarqand
• Sud