Ijtimoiy tarmoqlarda Qashqadaryo viloyati Yakkabog‘ tumanida sodir bo‘lgan qotillik va qotillik qurboni bo‘lgan marhumaning otasiga tegishli bo‘lgan videomurojaat tarqalmoqda.

Qashqadaryo viloyati prokuraturasi bergan ma’lumotga ko‘ra, joriy yil 21-oktyabr kuni Yakkabog‘ tumani, “Uyg‘ur” mahallasida yashovchi fuqaro U.E. mast holatda turmush o‘rtog‘i G.X. bilan o‘zaro janjallashib, uni bir necha bor urib, tan jarohati yetkazganligi oqibatda G.X. vafot etgan.

Mazkur holat yuzasidan 2021-yil 22-oktyabr kuni Yakkabog‘ tuman prokuraturasi tomonidan Jinoyat kodeksining  97-moddasi (qasddan odam o‘ldirish) bilan jinoyat ishi qo‘zg‘atilgan.

Jinoyat ishi bo‘yicha U.E.ga Jinoyat kodeksining  97-moddasi bilan ayb e’lon qilinib, "qamoqqa olish" tarzidagi ehtiyot chorasi qo‘llanilgan.

Hozirda jinoyat ishi yuzasidan Yakkabog‘ tuman prokuraturasi tomonidan dastlabki tergov harakatlari olib borilmoqda.

Tergov harakatlari ustidan esa viloyat prokuraturasi tomonidan nazorat o‘rnatilgan.

Marhumaning otasi qilayotgan murojaatda qizining himoya orderi olganini, ammo bu unga yordam bermaganini, bundan tashqari, uning o‘limiga sabab bo‘lgan tan jarohatlari sud-tibbiyot ekspertizasi xulosasida yengillashtirib ko‘rsatilganini aytadi.

Viloyat prokuraturasi mazkur videolavhada keltirilgan vajlarga tergov harakatlari davomida baho berilishi ta’minlanishini ma’lum qildi.

• Jinoyat
• Qashqadaryo
• Qotillik