Ma’lum qilinishicha, iste’molchilar tomonidan Yandex Go platformasi taksida yo‘lovchi tashish xizmatlari keskin oshgani yuzasidan murojaat kelib tushgan.

Raqobat qo‘mitasi mazkur holatlar yuzasidan platformaning dekabr oyidagi dastlabki 10 kunlik xizmat narxlari monitoring qilinganda narxlar dinamikasida keskin o‘zgarish kuzatilganligi aniqlangan.

“Raqobat to‘g‘risida”gi qonunga asosan, ustun mavqega ega deb e’tirof etilgan xo‘jalik yurituvchi subyektning ustun mavqeini suiiste’mol qilish, xususan monopol yuqori narx belgilash taqiqlanadi.

Yuqoridagilardan kelib chiqib, Raqobat qo‘mitasi “Yandex Go” MChJni taksida yo‘lovchi tashish xizmatlari narxlarini pasaytirish bo‘yicha chora ko‘rish hamda platforma narx algoritmini qayta ko‘rib chiqishi bo‘yicha ogohlantirdi.

• Yandeks