“O‘zbekistonda sport translyatsiyalarini amalga oshirishda raqobatlashayotgan kompaniyalarning munosabatlari yo‘lida muhim voqeaga aylanadi”, –dedi Davron Fayziyev.

Boshlanayotgan futbol mavsumida sport muxlislarini yana bir ajoyib yangilik kutmoqda. Endilikda Sport TV telekanalida efirga uzatilayotgan muhim turnirlarni Uzreport va Futbol TV sharhlovchilari ham sharlash imkoniyatiga ega bo‘ladilar:

“Mavsum boshlanishi arafasida bir yangilikni sizga ma’lum qilamiz. Bizga Yevrokuboklar, qolaversa barcha nufuzli turnirlar hamda JChni shahrlashimiz talabi bilan futbol muxlislaridan minglab murojaatlar kelib tushadi. (Bu albatta quvonarli hol, sal bo‘lsa ham e’tiboriga tushganimizdan bag‘oyat xursandmiz). Lekin shu kungacha buning imkoni yo‘q edi. Chunki mamlakatimizda yirik turnirlar translyasiyasi ikki xil telekompaniya tomonidan amalga oshiriladi va sharhlovchilar bo‘lingan holatda ishlashga majbur.

Yuqorida aytganimdek, bu hol muxlislar e’tiroziga sabab bo‘layotgandi. Shuni inobatga olgan holda, Uzreport hamda Sport telekanallari istisno tariqasida men va hamkasbim Xayrulla Hamidovga ikkala telekanal orqali yirik musobaqalarni muxlislar uchun sharhlab borish imkoniyatini taqdim etishdi. Shu munosabat bilan bizga ana shu taklif bilan chiqqan Sport-TV direktori Zohid Karimovga hamda bizning va muxlislarning istagiga befarq bo‘lmay, ana shu amaliyotga rozilik bildirgani uchun Uzreport va Futbol TV asoschisi Ravshan Djurayevga minnatdorchilik bildiramiz. Bu qadam O‘zbekistonda sport translyatsiyalarini amalga oshirishda raqobatlashayotgan kompaniyalarning o‘zaro do‘stona munosabatlari yo‘lida muhim voqeaga aylanadi deb umid qilamiz.

Ishonamizki, boshlanayotgan fantastik mavsum davomida teletomoshabinlar bilan birga unutilmas lahzalarni boshdan kechiramiz!”, – deydi Davron Fayziyev.

• Futbol
• O‘zbekiston
• Translyatsiya