Yaponiyaning Armanistondagi elchisi Fukusima Masanori o‘z mamlakati Yerevan va Boku mojarosini tinch yo‘l bilan hal qilishda yordam berishga tayyorligini aytdi.

Ta’kidlanishicha, Masanori yaqinda Ozarbayjonning hujumlaridan zarar ko‘rgan Armanistonning Geharkun viloyati aholi punktlariga tashrif buyurgan. Diplomat vaziyatdan xavotir bildirdi va Tokioning mojaroni tinch yo‘l bilan hal qilishga yordam berishga tayyorligi haqida gapirgan.

Yaponiya elchisi Armaniston bosh vaziri o‘rinbosari Ambartsum Matevosyan bilan suhbatda, shuningdek, ikki mamlakatning insoniy aloqalarini, shu jumladan yoshlar almashinuvi dasturlarini kengaytirish muhimligini ta’kidlagan.

Armaniston va Ozarbayjon chegarasidagi vaziyat 2022-yil 13-sentyabrga o‘tar kechasi keskinlashdi. Tomonlar bir-birlarini provokatsiya va tajovuzda ayblashdi. Armaniston esa eskalatsiya paytida 105 kishini yo‘qotdi.

• Armaniston
• Ozarbayjon
• Yaponiya