Yaponiya bilan madaniy aloqalarni yanada kengaytirish maqsadida mashhur qo‘shiqchi va ijrochi Mashu Komazaki o‘zbek madaniyatining ushbu mamlakatdagi elchisi etib tayinlandi.

Tayinlash marosimida O‘zbekiston elchisi Muhsinxo‘ja Abdurahmonov mamlakatimiz o‘rtasidagi madaniy-ma’rifiy aloqalarni rivojlantirishga qo‘shgan munosib hissasi uchun Mashu Komazaki xonimga “O‘zbekiston madaniyati elchisi” ko‘krak nishonini tantanali ravishda topshirdi.

Diplomat “O‘zbekiston madaniyati elchisi” maqomi birinchi marta Yaponiya fuqarosiga berilganini ta’kidlab, O‘zbekiston hukumati Yaponiya bilan madaniy aloqalarni rivojlantirishga katta e’tibor qaratayotganini ta’kidladi.

Mashu Komazaki bunday faxriy unvonni bergani uchun minnatdorchilik bildirdi. Uning ta’kidlashicha, bu maqom uning keyingi faoliyatida katta imkoniyatlar yaratadi.

“Yaponiyadagi madaniy tadbirlarda yangragan o‘zbek milliy musiqasi yaponlarni O‘zbekistonga tashrif buyurishga ilhomlantiradi. Ularning ongida bu ohanglar buyuk ipak yo‘lidagi sirli mamlakatning yorqin qiyofasini yaratadi” - deydi u.

• Madaniyat
• O‘zbekiston
• Yaponiya