Ishikava prefekturasi hukumati Noto yarim orolida sodir bo‘lgan 7,6 magnitudali zilzila 2,44 million tonnadan ortiq chiqindi hosil qilganini aytdi. Bu haqda “The Japan Times” xabar berdi.

Qayd etilishicha, tabiiy ofatdan keyin chiqindi hajmi taxminan yetti yil ichida prefektura hosil qiladigan miqdorga teng.

Ishikava prefekturasi 2026-yil mart oyi oxirigacha chiqindilarni olib chiqib, qayta ishlashni kutmoqda.

"Baholashda Atrof-muhit vazirligining hisoblash usulidan foydalaniladi va zilzila natijasida vayron bo‘lgan yoki jiddiy shikastlangan 50 000 ga yaqin binolardan taxminan 22 000 tasi buziladi", - dedi Ishikava hukumati.

Vaqtinchalik saqlash joylarida chiqindilarni yig‘ish va ularni yonuvchan va yonmaydigan, yog‘och, metallolomlarga saralash rejalashtirilgan. Keyin uni prefekturadan tashqaridagi qayta ishlash zavodiga olib boradi.

Ishikava prefekturasi chiqindilarni utilizatsiya qilish uchun markaziy hukumat subsidiyalaridan foydalanishni rejalashtirmoqda, chunki xarajatlar yuqori bo‘lishi kutilmoqda.

Avvalroq, zilzila oqibatida infratuzilmaga yetkazilgan zarar 17,6 milliard dollarga yetishi mumkinligi  xabar qilingan edi.

• Chiqindi
• Yaponiya
• Zilzila