Toshkent shahri Yashnobod tumanida parfyumeriya do‘koni qasddan yoqib yuborilgan ma’lum bo‘ldi. 18-avgust kuni ushbu jinoyatning ijtimoiy tarmoqlarda kuzatuv kamerasidan olingan videolari tarqalgan edi. Yong‘in natijasida do‘konning bir qismi va qo‘shni do‘konlar zarar ko‘rgan.

Jinoyatni sodir etgan shaxs 41 yoshda ekanligi va ilgari ham sudlanganligi aniqlandi. Shu kuni u tunda do‘konga velosipedda kelib, eshik oynalarini sindiradi va o‘t qo‘yadi.

Tekshiruv va tergovlar natijasida jinoyatchi unga ushbu do‘konning mijozlari yoqmaganligi va shu sababdan shu jinoyatni sodir etganligini tan oldi.

“Men bir necha kun do‘konni va bu yerga tashrif buyurayotganlarni kuzatdim, ular menga yoqmadi. Kechqurun benzin bilan keldim, do‘kon egasini ogohlantirmoqchi edim. Bu parfyumeriya do‘koni ekanligini bilasdim, bunday katta yong‘in bo‘ladi deb o‘ylamagandim.

Tekshiruvlarga ko‘ra yong‘in 4 milliard so‘m zarar yetkazgan. Tergov tadbirlar davom etmoqda.

• Toshkent
• Yashnobod tumani
• yong‘in