Kecha, 19-aprel oqshomida Yevropa Chempionlar Ligasining chorak final javob bahsi doirasidagi ikkita oʻyin boʻlib oʻtdi.

Ulardan birida “Bavariya” oʻz maydonida “Manchester Siti”ni qabul qildi. Uchrashuvning birinchi boʻlimida darvozalar ishgʻol etilmadi. Xoland raqib darvozasi tomon belgilangan penaltidan unumli foydalana olmadi.

Ikkinchi boʻlimda, jamoalar bittadan toʻp kiritishdi va 1:1 hisobi oʻyin soʻnggiga qadar saqlanib qoldi.

Shu tariqa ingliz klubi dastlabki oʻyindagi gʻalaba (3:0) evaziga yarim final yoʻllanmasiga ega boʻldi va u bosqichda “shaharliklar” “Real”ga qarshi bahs olib boradi.

“Bavariya” – “Manchester Siti” 1:1

Gollar: 0:1 – 57ʼ Xoland, 1:1 – 83ʼ, penalti Kimmix.

Yana bir bellashuv “Inter” va “Benfika” jamoalari oʻrtasida kechdi. Mazkur bahs 3:3 hisobidagi jangovar durang bilan yakunlandi.

“Inter” birinchi oʻyinda qayd etilgan 2:0 hisobidagi gʻalabasi evaziga keyingi bosqichga chiqdi va yarim finalda oʻz hamshahari “Milan”ga qarshi bahs olib boradi.

“Inter” – “Benfika” 3:3

Gollar: 1:0 – 14ʼ Barella, 1:1 – 38ʼ Eursnes, 2:1 – 65ʼ Martines, 3:1 – 78ʼ Korrea, 3:2 – 86ʼ Antoniu Silva, 3:3 – 90ʼ Musa.

• Futbol
• YeChL