Futbol boʻyicha Yevropa Chempionlar Ligasining finalida ingliz jamoasi Milan klubidan ustun kelib, oʻz tarixida ilk bor mazkur musobaqada chempion boʻldi.

Uchrashuvning birinchi boʻlimida darvozalar daxlsiz qoldi. 36-daqiqada “shaharliklar”ning asosiy yetakchilaridan biri boʻlgan Kevin de Bryuyne jarohat olib, maydonni tark etdi.

Uning oʻrnini Fil Foden egalladi. Ikkinchi boʻlimda ingliz jamoasi faollikni oshirdi va 68-daqiqada Rodrining goli evaziga hisobni ochdi.

Ushbu gol oʻyinda yagonaligicha qoldi va Pep Gvardiola shogirdlari 2022/23-yilgi mavsum Yevropa Chempionlar Ligasi gʻolibiga aylandi. Qayd etish mumkin, “Manchester Siti” oʻz tarixida ilk bor Chempionlar Ligasini qoʻlga kiritdi va bir mavsumda 3 ta sovrin yutib, trebl qayd etdi.

YeChL

Final, 10-iyun, shanba

“Manchester Siti” (Angliya) – “Inter” (Italiya) 1:0

Gol: 1:0 – 68ʼ Rodri.

• Futbol
• Manchester Siti
• YeChL