Kecha, 10-may oqshomida Yevropa Chempionlar Ligasi yarim final bosqichining dastlabki bahsida “Inter” “Milan”ga qarshi bahs olib bordi.

Derbining 8-daqiqasidayoq hisob ochildi. “Neradzuri” hujumchisi Edin Jeko burchak zarbasidan uzatilgan toʻpni darvozaga aniq joyladi.

Oradan 3 daqiqa oʻtib, himoyachilarning xatosidan unumli foydalangan Genrix Mxitaryan oʻz goli bilan hisobni ishonchli koʻrinishga keltirdi.

Bellashuvning qolgan daqiqalarida darvozalar ishgʻol etilmadi va “Inter” javob oʻyinidan oldin oʻzida yaxshi imkoniyatni yaratib oldi.

“Milan” – “Inter” 0:2

Gollar: 0:1 – 8ʼ Jeko, 0:2 – 11ʼ Mxitaryan.

Maʼlumot oʻrnida, jamoalar oʻrtasidagi javob bahsi 16-may sanasida boʻlib oʻtadi.

• Futbol
• Inter
• Milan
• YeChL