Kecha 14-fevral oqshomida futbol boʻyicha Chempionlar Ligasining nimchorak finalidan oʻrin olgan ikki oʻyin boʻlib oʻtdi.

Ulardan birida, PSJ oʻz maydonida “Bavariya”ni qabul qildi. Birinchi boʻlimda darvozalar ishgʻol etilmadi. Ikkinchi boʻlimning 53-daqiqasida Kingsli Koman Alfonso Devisning qanotdan uzatgan toʻpini Donnarumma darvozasiga joylab qoʻydi.

83-daqiqada Kilian Mbappe tomonidan kiritilgan gol esa, ofsayd sababli hisobga olinmadi. Shu tariqa “Bavariya” 1:0 hisobida kichik gʻalabaga erishdi.

“Milan” va “Tottenhem” oʻyinida ham minimal hisob qayd etildi. Uchrashuvda milanliklar 7-daqiqada Braim Dias tomonidan urilgan gol evaziga gʻalabani ilib ketdi.

Jamoalar oʻrtasida javob oʻyinlari 8-mart kuni boʻlib oʻtadi. Oʻz navbatida bugun, chorshanba oqshomida Belgiya klubi “Bryugge” Portugaliyada “Benfika” bilan roʻbaroʻ kelsa, London jamoasi “Chelsi” Germaniyaada “Borussiya Dortmund” bilan oʻynaydi.

Yevropa Chempionlar Ligasi

Nimchorak final bahslari

14-fevral, seshanba

PSJ – “Bavariya” 0:1

Gol: 0:1 – 53ʼ Koman.

“Milan” – “Tottenhem” 1:0

Gol: 1:0 – 7ʼ Braim Dias.

• Bavariya
• Futbol
• PSJ
• YeChL