Kecha, 18-aprel oqshomida Yevropa Chempionlar Ligasi chorak final javob bahslari boʻlib oʻtdi.

Ulardan birida “Real” “Chelsi” maydoniga safar qilib, ishonchli 2:0 hisobida gʻalaba qozondi. Oʻyinning birinchi boʻlimida darvozalar ishgʻol etilmadi. Ikkala gol ham ikkinchi boʻlimda kiritildi.

Yana bir chorak final oʻyinida “Napoli” va “Milan” oʻzaro bahs olib bordi. Birinchi taymda “Milan” hisobni ochishga muvaffaq boʻldi, oʻyin soʻngida esa “Napoli” muvozanatni tikladi.

Biroq ushbu gol neapolliklarga yetarli boʻlmadi va “Milan” ikki oʻyin natijasiga koʻra, yarim final yoʻllanmasiga ega chiqdi.

YeChL

“Chelsi” (Angliya) – “Real” (Ispaniya) 0:2

Gollar: 0:1 – 58ʼ Rodrigo, 0:2 – 80ʼ Rodrigo.

“Napoli” (Italiya) – “Milan” (Italiya) 1:1

Gollar: 0:1 – 43ʼ Jiru, 1:1 — 90+4ʼ Osimhen.

• Futbol
• YeChL