1/2 final bosqichi dastlabki uchrashuvlar doirasidagi birinchi oʻyinda “Real” Madridda “Manchester Siti”ni mehmon qildi. Bellashuv keskin va murosasiz hujumlarga boy oʻtgan boʻlsa-da, darvozalar ikki martadan ortiq ishgʻol etilmadi.

Birinchi boʻlimning dastlabki qismini mehmonlar faol boshlashdi. Bir nechta xavfli zarbalar yoʻliga darvozabon Tibo Kurtua toʻgʻonoq boʻldi.

Taym oʻrtalarida esa mezbonlar tezkor qarshi hujum uyushtirib, Siti himoyasini ojiz qoldirishdi. Kamavinganing uzatmasidan soʻng, Vinisius Junior uzoqroq masofadan darvozani aniq nishonga oldi. Jamoalar shu hisobda tanaffusda yoʻl olishdi.

Ikkinchi boʻlimda “Qirollik klubi” hujumlarga zoʻr berdi. Mazkur xavfli vaziyatlar gohida himoyachilar, gohida esa darvozabon tomonidan bartaraf etildi. Taym oʻrtalariga kelib, Gvardiola shogirdlari ham oʻz soʻzini aytishdi.

Gyundoganning De Bruynega uzatmasidan soʻng, belgiyalik yarim himoyachi jarima maydoni tashqarisidan Tibo Kurtua qoʻriqlayotgan darvozani ishgʻol etdi. Shu tariqa, darvozalarga boshqa toʻp kiritilmadi va jamoalar final yoʻllanmasini Manchesterda hal qiladigan boʻlishdi.

Qayd etish mumkin, “Man Siti” va “Real Madrid” oʻrtasidagi javob uchrashuvi, 17-may kuni “Etihad” oʻyingohida boʻlib oʻtadi.

“Real Madrid” (Ispaniya) – “Manchester Siti” (Angliya) 1:1

Gollar: 1:0 – 36' Vinisius Junior, 1:1 – 67' De Bryuyne.

• Futbol
• Manchester Siti
• Real
• YeChL