Yevropa Ittifoqi Rossiyaga qarshi sanksiyalarning to‘qqizinchi paketini ishlab chiqmoqda. Bu haqda Yevrokomissiya rahbari Ursula fon der Leyen Finlyandiyaga rasmiy tashrifi chog‘ida ma’lum qildi, deb yozadi Reuters.

“Biz Rossiyaning Ukrainaga qarshi urush olib borish qobiliyatini yo‘qotish uchun qattiq ishlayapmiz”, dedi u.

Von der Leyenning qo‘shimcha qilishicha, to‘qqizinchi sanksiya paketini ishlab chiqish qizg‘in davom etmoqda. Bundan tashqari, uning ta’kidlashicha, yaqin orada Rossiya neftiga narx chegarasi tasdiqlanadi.

“Ukraina g‘alaba qozonmaguncha tinchlanmaymiz”, - deya xulosa qildi Yevrokomissiya rahbari.

Ma’lumot uchun, 5-oktabr kuni Yevropa Ittifoqi Rossiya Federatsiyasiga qarshi sakkizinchi sanksiya paketini ma’qulladi, unga ko‘ra Rossiya neftiga narxlarning maksimal chegarasi joriy etilgan. Bundan tashqari, Rossiya neftini Evropa Ittifoqi tomonidan belgilangan narxdan yuqori narxda import qilishni taqiqlash joriy etildi. Cheklovlar qora oltinni dengiz orqali dekabrdan, neft mahsulotlarini esa kelasi yilning fevralidan tashishga ham tegishli.

• Rossiya
• Sanksiya
• Yevropa